Continúa o ciclo De Perto con Bicos con lingua de Talía Teatro

05.07.17 12:54

Este venres, 7 de xullo, ás 22h30 no Xardín da Casa Grande. representase Bicos con lingua, unha comedia para rir e reflexionar sobre usos e actitudes sobre a nosa lingua. Artur Trillo e Toño Casais (Talía Teatro) interpretan esta peza con dirección de Avelino González e texto de varios autores.

Na foto de abaixo a contadora Soledad Felloza na praza do Sagrado (foto: Gustavo Docampo)

Na foto de abaixo a contadora Soledad Felloza na praza do Sagrado (foto: Gustavo Docampo)

Cunha lembranza do actor valdeorrés Paco González, tras coñecerse a súa morte en Alemaña, comezaba o martes 4 de xullo o segundo acto do ciclo De Perto na nova praza do Sagrado. A contadora uruguaia Soledad Felloza percorreu unha parte desa xeografía do imaxinario marcada polo mundo dos seres míticos, presentes nas lendas de tradición oral, un patrimonio inmensamente rico que ela coñece profundamente e translada ao público con grande expresividade. A praza do Sagrado, usada por primeira vez para este tipo de eventos, resultou un espazo agradable e acolledor.

O ciclo De Perto, que vai pola 5ª edicion, centra o seu programa na palabra, contada, cantada ou rimada, ofrecendo espectáculos de pequeno formato os martes e venres, entre o 30 de xuño e o 21 de xullo, ás 22h30 en distintos espazos públicos como a praza do Sagrado, o xardín da Casa Grande de Viloira, a beira do Sil no Malecón e a praza do Castelo do Castro.

OBarcoDeValdeorras

Nueva Ventana Xunta de Galicia
  • Rus
  • Eng