A Garda Real, no Barco

18.05.17 15:10

Ao redor de 70 integrantes da Compañía Monteros de Espinosa, da Garda Real, están no Barco desde este mércores para participar en diferentes actividades baseadas fundamentalmente na convivencia e a relación cos cidadáns. Ademais de visitar colexios da localidade e de realizar unha marcha a Pena Trevinca, este venres día 19 realizarán unha exhibición no paseo do Malecón.

Uns 45 integrantes da Unidade de Floreados participarán na actividade, que se celebrará a partir das seis da tarde. Os membros desta unidade reuniranse na rúa Pescadores, precedidos dos motorizados, e camiñarán en formación pola calzada do paseo do Malecón ata a rotonda, onde se incorporarán os cabalos para acceder á chaira da festa, lugar no que se realizará a exhibición. Esta durará aproximadamente 30 minutos, e o mellor sitio para vela é a parte do paseo situada máis preto do río, porque todos os movementos dirixiranse cara a esa zona.

OBarcoDeValdeorras

Nueva Ventana Xunta de Galicia
  • Rus
  • Eng