Programa para o Día da Muller

08.03.17 09:00

O Concello do Barco celebrará o Día da Muller Traballadora 2017 con actividades organizadas pola Concellaría de Servizos Sociais para os días 8 e 9 de marzo.

Clara Campoamor será a protagonista deste ano, xa que o nome desta feminista, avogada, política e artífice do logro do voto para as mulleres en España, no ano 1931, foi o elixido para a praza existente diante dos Xulgados. Por elo, o día 8 de marzo, ás 20,00 horas, o acto central do Día da Muller 2017 terá lugar nesta praza.

Alí descubrirase a placa co nome da praza (Praza de Clara Campoamor), e mulleres do Barco relacionadas co mundo da xudicatura ( a avogada Marisa Losada, a xuíza Nuria Valladares, e a notaria Gabriela Marqués), intervirán no acto público, que se pechará coa actuación do Grupo de técnica vogal da Escola de Música do Concello do Barco.

Os actos continuarán o día 9, ás 19,00 horas, no Teatro Lauro Olmo, coa lectura dun manifesto por parte dunha das mulleres que integran o colectivo Disvalia. A continuación proxectarse a película “Bar Bahar”, que narra a historia de solidariedade entre tres mulleres, e unha mesa de debate, na que tomarán parte mulleres representantes de diferentes partidos políticos para falar das dificultades de ser muller na sociedade actual.

OBarcoDeValdeorras

Nueva Ventana Xunta de Galicia
  • Rus
  • Eng