Os Monicrekes de Kukas presentan Xan Perillán e a maleta máxica

03.03.17 11:45

O próximo venres 10 de marzo ás 20h00, no Teatro Lauro Olmo, Os Monicrekes de Kukas presentan "Xan Perillán e a maleta máxica" unha obra creada para o público infantil e familiar que combina varias técnicas teatrais.

Trátase dun espectáculo multidisciplinar, creado e interpretado por Marcelino de Santiago "Kukas" e dirixido por Isabel Rey, que combina a maxia, co pallaso e os monicreques, dirixido ao público infantil e familiar. Xan Perillán é un vello pallaso que engaiola a nenos e maiores, o avó que todo neno quixera ter, divertido, tenro, xoguetón e máxico. As entradas (3 euros) poranse á venda unha hora antes da función na billeteira do Teatro.

OBarcoDeValdeorras

Nueva Ventana Xunta de Galicia
  • Rus
  • Eng