Todo listo para a XVII Festa do Botelo do Barco

19.01.17 12:00

Este sábado, 21 de xaneiro, celébrase unha nova edición da Festa do Botelo do Barco, Festa de Interese Turistico de Galicia. Como ocurriu o ano pasado, en torno á comida degustación do botelo, no que participarán unhas 1.300 persoas, terán lugar outras actividades coas que se pretende prolongar a festa máis aló da comida. O programa inclue unha feira de produtos gastronómicos, que nesta ocasión se instalará na Praza Andrés de Prada, o sábado 21 e o domingo 22, de once da mañá a oito da tarde. Na feira poderán mercarse diferentes produtos locais.

O acto do pregón e mención de honra da XVII Festa do Botelo celebrarase na Casa da Cultura do Barco a partir das 12,30 horas. A mención de honra corresponde este ano a Lula, a pulpeira que tamén se encargou do xantar da festa do botelo durante 15 anos. O pregoeiros, xa coñecidos, son o actor Carlos Blanco e o debuxante Luis Dávila. A partir das 14,30 horas terá lugar a comida do botelo, que se celebra no Pavillón de Calabagueiros. Ademáis de botelo e outras delicias, haberá actuacións musicais, e, como o ano pasado, un photocall para que os visitantes se fagan fotos.

En alo menos 6 restaurantes da vila poderá tamén degustarse botelo. Son os restaurantes CASA GALAICA, PIQUIÑO, AGARIMO, FERNANDO III, EL DORADO E IL PIACERE.

Pola tarde, a partir das 16,00 horas, se emitirá en directo o programa da TVG “Aquí Galicia”. na Praza Andrés de Prada. E un poco máis tarde, desde as 19 horas, terá lugar a segunda edición dos Cantos de Taberna, coa participación de seis grupos tradicionales, que animarán locais do casco urbano do Barco.

Para redondear o programa de actividades, o domingo se ofrece no Teatro Lauro Olmo o espectáculo “Menú da Noite” con Carlos Blanco e Luis Davila. Será ás sete da tarde, e as entradas, cun prezo único de 10 euros, poden adquirirse anticipadamente en Ton y Son, e,media hora antes, na billteira do Teatro.

OBarcoDeValdeorras

Nueva Ventana Xunta de Galicia
  • Rus
  • Eng