Actividades culturais para as festas de Nadal e Reis

13.12.16 09:29

Teatro, cine e maxia, xunto a visita do Apalpador e a Cabalgata dos Reis, configuran o programa cultural para o tempo de Nadal e Reis no Barco. Entre os días 16 de decembro e 8 de xaneiro desenvolveranse un total de trece actividades, nove delas para público familiar.

O cine club Groucho Marx ofrecerá un ciclo de cine infantil e outro de adultos con filmes de actualidade na carteleira. O teatro para público familiar será os días 16 (Luppo de Baobap Teatro), o 29 (Rubicundo de Teatro dos Ghazafelhos) e o 30 (A danza da choiva de Elefante Elegante) as tres en horario de 20h, trátase de tres dos mellores espectáculos da temporada teatral para público familiar. O día 23, para público adulto, Sarabela Teatro presentará a comedia "Normas para saber vivir na sociedade actual" que acaban de estrear e que se inclúe dentro da programación da Rede de Auditorios de Ourense, posta en marcha pola Deputación de Ourense e unha serie de concellos da provincia. O día 28 virá o Apalpador a estar cos nenos e as nenas do Barco na Biblioteca Delgado Gurriarán (20h) un acto no que vai actuar o Mago Teto, unha das figuras máis recoñecidas do ilusionismo galego. Finalmente o 5 de xaneiro a Cabalgata dos Reis porá o punto final a este ciclo festivo no que lle deixamos algo máis de sitio, nas nosas vidas, á ilusión dos pequenos.

OBarcoDeValdeorras

Nueva Ventana Xunta de Galicia
  • Rus
  • Eng