Carlos G. Hervella expón 25 fotografías sobre o liño

25.10.16 12:28

A exposición do fotógrafo valdeorrés é a primeira das dúas que se van celebrar no Barco dentro do Outono Fotográfico. Será inaugurada o próximo día 2 de novembro ás 20h. e poderá verse ata o día 16 no vestíbulo do Teatro Lauro Olmo.

No ano 1987 botaba a andar en San Miguel de Bidueira (Mazaneda) un proxecto etnográfico para a recuperación do liño nas distintas fases: a semente, o cultivo e a súa transformación ate a chegada ao tear. Este proceso foi documentado polo fotógrafo Carlos García Hervella nunha reportaxe realizada en 1991 que, co paso do tempo, adquire maior interese. O traballo foi publicado, como proposta pedagóxica, no número 5 da revista Raigame con texto de Clemente Pérez Arias. A exposición forma parte dos fondos do Museo do Liño que xestiona o Centro Cultural de San Miguel de Bidueira.

 

OBarcoDeValdeorras

Nueva Ventana Xunta de Galicia
  • Rus
  • Eng