Raclette de Ibuprofeno Teatro e as contradicións dunha sociedade enferma

24.10.16 10:36

O venres 28 de outubro ás 21h00 no Teatro Lauro Olmo poderá verse Raclette, un espectáculo de Ibuprofeno Teatro, escrito e dirixido por Santiago Cortegoso que recibiu o Premio Álvaro Cunqueiro para textos teatrais en 2014. Para público adulto. Entrada 5 euros, na billeteira desde unha hora antes.

A raclette é «un xeito para comer en comunidade inventado polos pastores suízos que, para escorrentaren o frío e a soidade da montaña, reuníanse arredor dunha pedra quentada ao lume para ir cociñando nela, a medida que comían». Os actores Toni Salgado, Deborah Vukusic, Marián Bañobre, Iria Sobrado e Salvador del Río dan vida a cinco personaxes protagonistas que, sentados á mesa, «conforman un complexo mosaico humano» e constitúen «cinco universos que reflicten as contradicións dunha sociedade enferma que devora os seus integrantes».

Raclette foi distinguida coa Mención Especial do público ao Mellor espectáculo de sala na 19º Feira de Teatro de Castela e León en Ciudad Rodrigo

OBarcoDeValdeorras

Nueva Ventana Xunta de Galicia
  • Rus
  • Eng