O Tolleito de Inishmaan, unha comedia negra da Irlanda profunda

17.10.16 14:13

«O Tolleito de Inishmaan» que dirixe Cándido Pazó e produce Contraproduccións estará no TLO este venres 21 de outubro (21h). Un drama irlandés ou unha comedia negra, unha grande produción teatral desas que escasean en tempos de crise.

A montaxe baséase no texto de Martin Mc Donagh (A beleza da raiña de Leenane ou Un cránio furado, foron pezas da súa autoría que se presentaron no noso Teatro) A trama desenvólvese nunha pequena illa do oeste de Irlanda en 1934. O personaxe central é un tolleito (Santi Romay) que quere transcender o ámbito pechado da sociedade que lle tocou vivir no seu tempo, ser amado e valorado como calquera outra persoa, un soño que nel parece empresa imposible.

O elenco actoral confórmano nomes de primeira liña da escena galega: Susana Dans, Ana Santos, Evaristo Calvo, Santi Romay, María Roja, Marcos Pereiro, Luís Igrexa e Ricardo de Barreiro.

As entradas a 5 euros poranse á venda desde unha hora antes. Non recomendada para menores de 12 anos.

OBarcoDeValdeorras

Nueva Ventana Xunta de Galicia
  • Rus
  • Eng