O Concello consulta á veciñanza sobre o nome de dúas rúas e unha praza

30.09.16 10:25

As propostas deberán estar argumentadas e poderán achegarse, por escrito ou correo electrónico, durante o mes de outubro. Unha praza xunto a igrexa de San Mauro, a rúa onde están os Xulgados e outra no barrio de San Roque serán nomeadas proximamente.

O Concello do Barco ten intención de incluír tres novos nomes no nomenclátor das rúas e prazas do casco urbano do Barco. Trátase da praza de nova creación situada entre a ábsida da igrexa de San Mauro e a rúa Álvaro Cunqueiro (neste momento en fase de construción), da rúa na que se encontra o actual edificio dos xulgados e da rúa que transcorre paralela á vía do tren entre as avenidas Florencio Delgado Gurriarán e Manuel Quiroga.

Co fin de recoller opinións de asociacións e de particulares que poidan estar interesados, a Concellería de Cultura e Educación abre un prazo de suxestións entre o próximos días 1 e 31 de outubro. Neste tempo poderanse achegar os nomes que se consideren acaídos para estes tres espazos urbanos. As propostas deberán estar argumentadas e facer constar os datos identificativos da entidade ou da persoa que a subscribe. Estarán dirixidas á concelleira de Cultura e Educación por escrito a través do rexistro municipal ou a través do correo electrónico: concelleria.cultura@concellodobarco.org

 

OBarcoDeValdeorras

Nueva Ventana Xunta de Galicia
  • Rus
  • Eng