Catro representacións no Ciclo Galego de Teatro Amador

27.09.16 12:37

A Federación Galega de Teatro Afeccionado, na que se integra Gargallada Teatro, presenta un ano máis no Barco o Ciclo de Teatro Amador, con catro representacións de outros tantos grupos de Lugo, Valadares (Vigo), Ourense e O Carballiño.

Serán catro obras escollidas entre o repertorio dos grupos que forman esta federación e que se poderán ver no TLO esta fin de semana (venres 30 e sábado 1 de outubro) e a que vén (venres 7 e sábado 8 de outubro), sempre ás 21h.

O venres 30 abrirá o ciclo o grupo Hipócrita Teatro de Lugo representando "Emperador, que pensas? Fala!", o sábado 1 de outubro farao o grupo Escoitade, de Valadares - Vigo con "Exposición de catro mementos". Xa o día 7 de outubro subirán ao escenario os do grupo Mariñao de Ourense para presentar "Inmortal", a única das pezas que non se encadra dentro do xénero cómico, e finalizarán esta mostra os de Tiruleque Teatro do Carballiño coa representación de "Media de callos".

OBarcoDeValdeorras

Nueva Ventana Xunta de Galicia
  • Rus
  • Eng