Chega o Barco a Tropa de Trapo co espectáculo “Ti tamén Contas”a través do Fondo Galego de Cooperación.

03.11.15 12:00

A Tropa de Trapo actuará o xoves día 5 de novembro as 11h no Teatro Lauro Olmo para escolares de 3º e 4º de primaria dos centros do Concello, co espectáculo da xira "Ti tamén contas", que ao longo deste ano percorre máis de vinte concellos socios do Fondo Galego de Cooperación e Solidariedade.

Sensibilizar sobre a solidariedade internacional é o obxectivo das historias que se escoitarán sobre o escenario.. Marta Ortiz e Brais das Hortas son dous ensinantes de vocación que en 2006 xuntaron as súas inquedanzas pola narración oral no proxecto A Tropa de Trapo. Desde entón levan percorrido toda Galicia, e mesmo outras Comunidades Autónomas, facendo reflexionar a nenas e nenos, mocidade e maiores coas súas diferentes iniciativas.

O Fondo Galego

O Fondo Galego de Cooperación e Solidariedade está formado por 87 concellos e as deputacións da Coruña e Lugo, que concentran a través desta rede os seus esforzos no eido da cooperación ao desenvolvemento. Garántese deste xeito unha xestión profesional e transparente, así como a realización de proxectos con impacto nos países do Sur e a sensibilización da sociedade galega a prol da solidariedade internacional. Desde a súa fundación en 1997, o Fondo Galego ten desenvolvido máis de 150 proxectos en 25 países e promove numerosas actividades e materiais en relación aos desequilibrios Norte-Sur.

OBarcoDeValdeorras

Nueva Ventana Xunta de Galicia
  • Rus
  • Eng