O domingo 5 de xaneiro chegan os Reis Magos ao Barco

02.01.14 11:43

Chegarán un ano máis a Estación de autobuses, cara as 17h30, e alí collerán as tres carrozas decoradas nas que percorrerán as principais rúas da Vila, saúdando os nenos e repartindo caramelos. As 18h30 está prevista a súa chegada á Casa do Concello onde, tras ser recibidos polo Alcalde e membros da Corporación Municipal, dirixiranse aos presentes desde o balcón, momentos antes de iniciar o seu periplo polas casas para deixarlles agasallos a todos os nenos e nenas que se teñan portado ben.

O Reis Magos no Barco. 5 xaneiro 1956

O Reis Magos no Barco. 5 xaneiro 1956

O Barco celebra un ano máis esta tradicional cabalgata de ilusión e fantasía que pecha o ciclo das festas de Nadal. Como pode verse pola foto que ilustra esta entrada, esta actividade xa ten un amplo percorrido entre nós e foi tendo ao longo dos anos, distintas expresións, como correspondía a cada momento. Na foto aparecen os Reis Magos no Barco en 1956 diante da sede da Caixa de Aforros Provincial, o edificio aínda segue aí, máis as caixas de aforros desapareceron de vez neste ano 2013 que rematou.

OBarcoDeValdeorras

Nueva Ventana Xunta de Galicia
  • Rus
  • Eng