Faleceu en Madrid a escritora Pilar Enciso

04.12.08 13:35

Hoxe ás 13 h. foi soterrada no cemiterio madrileño de la Almudena a escritora Pilar Enciso, falecida onte aos 89 anos. Autora de obras de teatro e contos infantís e viúva do dramaturgo barquense Lauro Olmo (1922-1994), premio Nacional de Teatro con “La Camisa”.

Pilar Enciso e Lauro Olmo

Pilar Enciso e Lauro Olmo

Titulada en dirección escénica en 1953, recibiu o premio Lope de Vega da Escola de Arte Dramático, o que lle permitiu dar a coñecer as obras teatrais de Lauro Olmo, encadradas no realismo social, seguindo os pasos de grandes mestres como Buero Vallejo e Alfonso Sastre.

A parella Enciso-Olmo ocuparon os titulares da prensa dos últimos anos do Franquismo cando foron obrigados, contra a súa vontade, a abandonar cos seus dous fillos a vivenda que ocupaban no barrio Pozas de Madrid, onde se construíron uns grandes almacéns e un hotel.

Tanto o Concello do Barco, como o Instituto de Educación Secundaria e o Teatro que levan o nome de Lauro Olmo, expresaron o seu pésame a familia da falecida.

(S M de Cultura)

OBarcoDeValdeorras

Nueva Ventana Xunta de Galicia
  • Rus
  • Eng