O Contador estará este domingo no Malecón

27.05.08 12:57

Este domingo, 1 de xuño, estará no Malecón das 16 ás 20 horas fronte ao Teatro Lauro Olmo, o Contador, unha proposta novedosa e participativa da Dirección Xeral de Política Lingüística, dentro da súa campaña E logo!.

O Contador é un cubo de tres metros de lado, instalado en espazos públicos de trinta localidades de Galicia, no que se elabora un conto colectivo. Partindo dun comezo provisto polo propio Contador, cada participante narra unha parte da historia coa única referencia do fragmento de relato inmediatamente anterior, o que pode dar lugar a derivacións máis ricas e divertidas. Con Contador, a Secretaría Xeral de Política Lingüística pretende promover o uso da lingua galega nos lugares públicos, fomentar a creatividade e asociar o idioma propio do país ao uso das novas tecnoloxías, ademais de aproveitar a riqueza oral do idioma e o talento dos galegos e das galegas como contadores de historias.

Cada participante ao entrar no contador escoita o fragmento de historia contada inmediatamente antes e continúa o relato facendo a súa propia achega. As intervencións son gravadas en video e logo poderán verse e comparalas coas que se contaron noutros lugares de Galicia polos que pasou o Contador (ver vídeos).

OBarcoDeValdeorras

Nueva Ventana Xunta de Galicia
  • Rus
  • Eng