Este sábado concerto benéfico de gospel con Aba Taano

12.04.16 09:59

Aba Taano son seis voces a capella de gospel, pop, canto africano, improvisacións e canto tribal. Estiveron o ano pasado no Teatro Lauro Olmo e causaron sensación. Este sábado 16 de abril (20h) volven ofrecer un concerto benéfico promovido por Música para Salvar Vidas para orfanatos en Uganda, o país de onde proceden. As entradas (10 euros) estarán á venda dende unha hora antes.

Aba Taano é un sexteto vogal ugandés de gospel africano que está Integrado por Nabbaale Harriet (mezzosoprano), Nabulya Deborah (contralto), Kimeze Joshua (tenor), Kamoga Morris (baixo), Mayanja Louis (baixo) e Ssenteza Derrick (baixo y director). Interpretan cantos a capella, escenificados, movidos, divertidos... que desprenden enerxía e ilusión tanto tribais como populares en linguas como luganda, swahili, ancore, zulu, lingala ou acholi.

"Unha música diferente, un plantexamento orixinal, un repertorio propio y moitísimas táboas son as características destes seis mozos ugandeses que finalizan os seus concertos sempre co público en pé, como auténticas estrelas de rock" destacan fontes da asociación Música para Salvar Vidas que promove a súa xira.

 

OBarcoDeValdeorras

Nueva Ventana Xunta de Galicia
  • Rus
  • Eng