Máis de 500 estudantes verán no TLO “Valdemuller” do CDG

21.04.08 09:32

O martes e mércores desta semana terán lugar as dúas únicas representacións de Valdemuller, a última produción do Centro Dramático Galego, sobre a novela de Xosé Neira Cruz. Unha obra de marionetas dirixida polo arxentino Pablo Vergue e destinada ao público preadolescente.

As dúas funcións terán lugar ás 12 horas e a asistencia foi concertada cos centros escolares, asistirán alumnos de 5º e 6º de primaria e os de 1º curso da ESO. Da adaptacion da novela de Neira Cruz son responsables Gena Baamonde, Alba Grande, Montse Piñón, Raquel Queizás, Manuela Varela e Pablo Vergne. O elenco artístico está formado por Alba Grande, Montse Piñón, Raquel Queizás e Manuela Varela.

Valdemuller conta a historia de Mina que está a preparar coa súa familia o seu 15 aniversario. A rapaza recibe como agasallo un colgante en forma de estrela ante o cal toda a familia experimenta un certo nerviosismo. Pouco e pouco e coa axuda da súa tía Olga, vai descubrindo os segredos que agocha o galano e as historias que oculta a súa familia. Emprende unha viaxe cara a Valdemuller, o lugar en que reside a súa tía avoa Estrela.

OBarcoDeValdeorras

Nueva Ventana Xunta de Galicia
  • Rus
  • Eng