O historiador Ricardo Gurriarán distinguido co premio Lois Peña Novo

27.05.15 11:44

O historiador barquense Ricardo Gurriarán recibirá o premio Peña Novo polo seu compromiso persoal a prol da lingua galega xunto ao científico Ángel Carracedo e a avogada do Estado Consuelo Castro.

O xurado da XXI edición dos premios Lois Peña Novo salientan de Ricardo Gurriarán Rodríguez, director da área de Historia da Fundación 10 de Marzo, o seu traballo pedagóxico e o seu labor de investigación na procura da reconstrución da memoria colectiva. Tamén destaca a novidade das súas achegas científicas a unha disciplina na que había "evidentes lagoas para o coñecemento do acontecer social".

Os outros dous galardoados son o xenetista Ángel Carracedo, director da Fundación Pública Galega de Xenómica (institución que está na vangarda da investigación de enfermidades raras) e que é o científico galego con maior proxección internacional, e Consuelo Castro Rey, xefa territorial da Avogacía do Estado en Galicia. quen coa súa actitude positiva fronte a utilización do idioma galego nos cargos de alta dirección na Administración visibiliza o traballo das mulleres na defensa dos nosos valores identitarios". O xurado destaca o compromiso dos tres premiados na promoción e defensa do galego.

OBarcoDeValdeorras

Nueva Ventana Xunta de Galicia
  • Rus
  • Eng