"Demolición" de Talía Teatro, conflicto e diálogo

07.04.15 09:26

Este venres 10 de abril ás 21 h. o TLO acolle a Talía Teatro coa súa última montaxe: "Demolición" de Cándido Pazó , autor e director. É unha proposta entre o humor e a emoción, entre a dor e o pracer, entre o divertimento e a reflexión. As entradas (5 euros) estarán á venda desde unha hora antes.

"Demolición" expón sobre o escenario unha situación, un conflito, personaxes e diálogo. Artur Trillo e Toño Casais son os protagonistas da historia, "catro pés para o banco da comunicación teatral. Hai outros. Pero quixemos probar se chegaba con estes para que o banco se mantivese en pé" como di Talía na presentación do espectáculo, unha peza que califican de "comidrama" explicando que "Xa que o concepto existe, outorguémoslle un nome. Un termo que exprese esa alquimia dramática entre o humor e a emoción, entre a dor e o pracer, entre o divertimento e a reflexión. A espera, un eco beckettiano que chega de lonxe. O fracaso colectivo reverberando metaforicamente. A fraxilidade humana resoando no fondo do precipicio."

Un gran texto con diálogos que tocan a emoción e eses contínuos guiños ao subconsciente que caracteriza o teatro de Pazó, as pequenas cousas que nos bulen na cabeza, a ténue fronteira entre o humor e o drama, con dous actores que o defenden a gran altura.

 

OBarcoDeValdeorras

Nueva Ventana Xunta de Galicia
  • Rus
  • Eng