Comeza a conta atrás para o Entroido no Barco

28.01.15 12:23

O cartel do entroido que xa está nas rúas do Barco expresa, cunha foto de Gustavo Docampo, a cor, o dinamismo e o carácter enxebre desta celebración. O concello convoca, como cada ano, un concurso entre as comparsas que participen no desfile do martes. Tamén haberá Xornadas gastronómicas, baile infantil con karaoke e o Enterro da sardiña.

Os importes dos premios para as comparsas participantes establécense en función do número de persoas que as integren: 150 euros para as formadas por entre 10 e 20 persoas; 200 euros para as que teñan entre 21 e 30 membros; 250 para as integradas por entre 31 e 40 e as que pasen de 40 recibirán 295 euros de premio.

O prazo de inscrición comeza o próximo luns 2 de febreiro e remata o día 16 de febreiro ás 12 horas. A mesma deberá formalizarse no Servizo Municipal de Cultura (Teatro Lauro Olmo, rúa da Estación, 2. O Barco) segundo o modelo que se facilitará.

O desfile dará comezo o martes 17 de febreiro ás 17h30. Partindo da avenida Conde Fenosa, á altura do HCV, a comitiva percorrerá as avenidas Conde de Fenosa, Marcelino Suárez, rúa Eloi Mira e praza da Igrexa para desembocar na praza Maior, onde terá lugar un baile.

Descargas:

O impreso para formalizar a inscrición

As bases que regulan o concurso

OBarcoDeValdeorras

Nueva Ventana Xunta de Galicia
  • Rus
  • Eng