Cheap Synthroid

Synthroid is especially important during competitions and for rapid muscle growth. No prescription needed when you buy Synthroid online here. This drug provides faster conversion of proteins, carbohydrates and fats for burning more calories per day.

Cheap Abilify

Abilify is used to treat the symptoms of psychotic conditions such as schizophrenia and bipolar I disorder (manic depression). Buy abilify online 10mg. Free samples abilify and fast & free delivery.

Sponsored:

The best online shops in Italy:

Concello do Barco : O xornalista e escritor José Antonio Gurriarán faleceu onte aos 80 anos

O xornalista e escritor José Antonio Gurriarán faleceu onte aos 80 anos

01.04.19 13:33

José Antonio Gurriarán López morreu onte en Madrid. Escritor e xornalista barquense, exerceu a súa profesión en numeroros medios escritos e de TV, mostrando sempre unha ollada atenta á vida da xente, ao acontecer e a historia da súa comarca natal.

Naceu no Barco o 7 de xullo de 1938, estudou bacharelato na Academia Dequidt. Moi novo iniciouse como xornalista, con esporádicas colaboracións no xornal local Sil e nas emisora Ondas del Sil. Foi a Salamanca a estudar preuniversitario, e a Madrid xornalismo. Realizou os seus primeiros traballos na axencia Hispania Press: páxina de Madrid La Noche -reportaxes escritas e radio-. Ingresou no diario El Alcázar, onde foi redactor de sucesos, xefe de sección e enviado especial en lugares diversos, de España e do estranxeiro: viaxes do papa Pablo VI a Fátima e Pomezia, a India -onde entrevistou a Indira Gandhi e fixo varias reportaxes polo país-, Nova York, Dallas, Fort Worth, Texas: investigación sobre a morte de John F. Kennedy, entrevistou os asesores do presidente asasinado, ao seu substituto Lyndon B. Johnson, a Mariña Oswald, ao shériff Bill Decker, etc...

Pasou por Teleradio -artigos e entrevistas- e por La Semana dirixida por Jesús María Zuloaga, cando era revista de información: realizou entrevistas a Salvador Dalí, aos duques de Windsor, a Jacqueline Kennedy, etc. Despois de ano e medio como director do Diario Montañés ingresou no diario Pueblo como redactor xefe; será despois subdirector e director e cubrirá diferentes acontecementos mundiais: entrevistas con Neil Armstrong, Juan Domingo Perón, Diego Maradona , Jean-Paul Belmondo, etc. Foi tamén director da edición española da publicación internacional Revista de Geografía Universal, presentada en Madrid o 23 de decembro de 1976. Entre 1977 e 1978 dirixe El Socialista, órgano de expresión do PSOE.

En Televisión Española ocupou cargos directivos, fixo viaxes ás repúblicas iberoamericanas, a Unión Soviética, Europa, e entrevistas e reportaxes: primeira entrevista a Felipe de Borbón, cando o príncipe de Asturias estudaba en Lakefield, Canadá, aos presidentes chilenos Eduardo Frei e Ricardo Lagos, e ao presidente arxentino Raúl Alfonsín.

En decembro de 1980, cando Gurriarán saíu do edificio do diario Pueblo, pensaba ir ver unha película coa súa esposa e mentres camiñaba pola Gran Vía de Madrid ouviu unha gran explosión. Con curiosidade e afán profesional achegouse para velo, estalara a fachada de Swissair. Entrou entón nunha cabina de teléfonos próxima para chamar a un compañeiro fotógrafo do seu xornal e nese momento estalou outra bomba, pero aos seus pés. Houbo nove feridos, entre eles Gurriarán.

Aínda no hospital -onde loitou para salvar as súas pernas- comezou a ler libros e materiais sobre o caso e a historia dos armenios. Cando saíu do hospital, Gurriarán quixo coñecer aos quen lle puxeran a bomba. Un ano despois, en 1982, en Líbano, atopou aos líderes do ESALA (Exército Secreto Armenio para a Liberación de Armenia), e reuniuse con eles. A bomba, que foi traducido ao armenio e ao francés, tivo gran repercusión internacional. En maio de 2015 o director de cinema Robert Guédiguian presentou no Festival de Cannes a película Une histoire de fou [Unha historia de tolos], baseada neste libro.

Tras oito anos como correspondente de TVE en Lisboa, entrou na Radio e Televisión de Andalucía (RTVA) como director de Informativos e será nomeado, despois, director dunha segunda cadea que el creou; fundou o espazo Andalucía directo, contratou a Jesús Quintero -que levaba anos afastado da pantalla-; fixo un informativo que presentaba, por vez primeira, unha cega: Nuria del Saz.

Canso do traballo de despacho pediu ir, como correspondente, á delegación vacante de Bruxelas, que desempeñou durante catro anos. Visitou os 25 países membros, cubriu o Parlamento Europeo de Estrasburgo, os consellos de ministros de Luxemburgo, os cumes comunitarios e cuantos viaxes puido da troika comunitaria e viaxou con eles de India a Paquistán, de Siria a Líbano, da antiga Iugoslavia a Estonia, de Afganistán á República Checa, etc.

En 2006, e xa en España de novo, foi elixido vicepresidente do Club Internacional de Prensa de Madrid, no que pouco despois ocupou a presidencia.

Gurriarán é autor dos libros ¿Caerá Allende? (1973), Evasión. El Papillón español (1974), La Bomba (1982), Chile: el ocaso del general (1989), prologado por Felipe González, a guía Lisboa, una ciudad inolvidable (1998), El Rei en Estoril (2000), Armenios (2008) e o derradeiro As Mulleres do Monte (2015), o único que escribiu en galego no que recolle numerosas historias da represión da guerra e da posguerra en Valdeorras .

OBarcoDeValdeorras

Nueva Ventana Xunta de Galicia
  • Rus
  • Eng