dd Concello do Barco : O venres, 21 de agosto, comeza a XXV Semana de Cine do Barco

O venres, 21 de agosto, comeza a XXV Semana de Cine do Barco

19.08.15 11:51

A Semana de cine do Barco chega a súa XXV edición da man do cine club Groucho Marx, terá lugar no Teatro Lauro Olmo entre os días 21 de agosto e 1 de setembro e ofrecerá máis de quince títulos, dos que cinco son para público infantil.

Cartel e programa da XXV Semana de Cine do Barco

Cartel e programa da XXV Semana de Cine do Barco

A Semana leva este ano no seu cartel a lembranza de José Luis Alonso "Pestana", proxeccionista falecido o pasado 4 de xaneiro, a quen se lle renderá unha homenaxe ás 20h do venres, 21 de agosto.

Desde 1995 e ata que a enfermidade o apartou do traballo, exerceu como operador proxeccionista e conserxe no Teatro Lauro Olmo. A súa foi toda unha vida botando películas, actividade que fixo compatible coa de fontaneiro. Aprendera o oficio de seu pai quen comezara no Barco proxectando os filmes de cine mudo. Traballou nos Cines Emperador (antes Salón García Valle), Monumental e Colón no Barco e nalgunhas salas de Ponferrada e A Rúa. O seu percorrido vital vai parello ao da súa gran paixón: desde a década dos trinta do século XX en que se xeneraliza o cine sonoro ata a desaparición das proxeccións analóxicas no momento actual (a substitución da película física en celuloide por sistemas dixitais de última xeración), foi observador privilexiado dos distintos momentos vividos pola séptima arte e da súa repercusión na vida de varias xeracións.

Máis información en Abre un enlace externo en una nueva ventana http://cineclubgrouchomarx.blogspot.com.es/

 

OBarcoDeValdeorras

Nueva Ventana Xunta de Galicia
  • Rus
  • Eng