dd Concello do Barco : Volve o cine na fin de semana, con dúas películas e novos horarios

Volve o cine na fin de semana, con dúas películas e novos horarios

27.11.13 10:12

Esta fin de semana volverá o cine ao Teatro Lauro Olmo. Dúas películas forman esta programación: a comedia familiar "Zipi y Zape y el Club de la Canica" de Oskar Santos (España, 2013), que poderá verse ás 16 eás 17h30 o sábado 30 e o domingo 1, e o thriller "Pacto de Silencio" de Robert Redford (USA, 2012) ás 20h do sábado 30, domingo1 e luns 2.

"Zipi y Zape y el Club de la Canica" está baseada nos célebres personaxes do tebeo español creados por José Escobar, dous irmáns xémios que pasan o tempo facendo trasnadas. Proxectarase o sábado 30 novembro e o domingo 1 decembro (16 e 17h30), aventuras para público infantil e familiar. Duración: 88 min. Entrada: infantil 2 euros, adultos 3 euros.

Por outra parte o sábado 30 de novembro, domingo 1 e luns 2 de decembro (20h) poderá verse o último filme de Robert Redford: Pacto de silencio (The company you keep) USA, 2012. Duración: 121 min. Cun reparto absolutamente espectacular encabezado polo propio Robert Redford, con Susan Sarandon, Shia LaBEouf, Satanley Tucci, entre outros. A entrada 3 euros.

OBarcoDeValdeorras

Nueva Ventana Xunta de Galicia
  • Rus
  • Eng