Éxito da XI Festa do Botelo do Barco

25.01.11 12:30

Cerca de mil persoas participaron na XI Festa do Botelo do  Barco, organizada como cada ano pola Concellaría de Cultura. Nesta edición estiveron presentes grupos chegados de Monforte e Sárria, que xunto co Barco forman parte da entidade Galicia Interior, do Eixo Atlántico, e que quixeron estar nesta festa para coñecer as peculiaridades gastronómicas da vila barquense.

A meirande parte dos asistentes a esta festa chegaron, como en anos anteriores, formando parte de grandes grupos, o que contribue a animar ainda máis a festa. Previamente, ás 12h30, no Salón de Actos do IES Martaguisela, tivo lugar a entrega da Mención de Honra e o Pregón da Festa. Este ano a distinción a persoas que teñen destacado na promoción da gastronomía local, foi para Mª Carmen Blanco García e María Teresa de Dios Fernández, cociñeiras do restaurante San Mauro, a primeira entre 1977 e 1980 e a segunda entre 1980 e 2002. O pregón foi lido pola xornalista Marisa Fernández Ortiz, natural do Barco, que é reporteira de televisión nos programas Callejeros e Callejeros Viajeros de Cuatro.

Ademais, nesta edición da Festa do Botelo contouse coa colaboura de cinco restaurantes, que ofreceron botelo como prato estrela nos seus menús da fin de semana da festa. Ademáis, os bares da localidade ofreceron pinchos baseados no botelo, que tiveron moito éxito entre os clientes.  

Ver fotos

OBarcoDeValdeorras

Nueva Ventana Xunta de Galicia
  • Rus
  • Eng