Convocado o concurso da festa dos Maios

20.04.10 11:52

O próximo día 1 de maio volverá celebrarse no Barco a tradicional festa dos Maios. A Concellaría de Cultura deu a coñecer as bases que rexerán o concurso de maios e coplas deste ano. O concello do Barco conta de novo coa colaboración do Centro Comercial Aberto para a organización deste evento.

Os maios e coplas que queiran participar no concurso deberán cumprimentar unha folla de inscrición ás 11 horas do día 1 de maio na praza do Concello, lugar onde se desenvolverán os actos ata as 14 horas.

Os maios poderán concursar, segundo a súa feitura, na modalidade de enxebres ou artísticos. En cada modalidade haberá tres premios, de 250, 200 e 150 euros. Tamén se fixan accesits de 50 euros para cada un dos restantes participantes. O premio para as coplas será de un máximo de 200 euros minorándose a criterio do xurado en función da súa extensión, calidade e orixinalidade. As coplas deberán ser cantadas no momento e lugar sinalado pola organización.

Bases da convocatoria.

OBarcoDeValdeorras

Nueva Ventana Xunta de Galicia
  • Rus
  • Eng