Presentación de Ao son da auga, novo disco de Anxo Rei

30.11.09 11:57

O cantante e compositor Anxo Rei presentará este xoves, 3 de decembro, o seu último disco, Ao son da auga. Terá lugar ás 20 horas no Salón de Actos do Edificio Multiusos do Barco, con entrada libre.

A gravación inclúe nove temas de composición propia, letra e música, e o poema Chove en Santiago de García Lorca, musicado polo propio cantautor de Rubiá. No acto o autor, que interpretará coa súa guitarra tres das cancións incluídas no CD,  estará acompañado polo músico Xosé Luis Rivas Cruz “Mini” compoñente de A Quenlla e un dos fundadores de Fuxan Os Ventos.

Anxo Rei contou de novo para este disco coa colaboración de Jorge Fernández Ojea, guitarrista e compositor barquense, que realizou os arranxos musicais para a gravación. O deseño gráfico da carpeta foi realizado por Susana Méndez, incluíndo na capa unha imaxe evocadora que o músico non quixo desvelar ata o momento mesmo da presentación.

SMC

OBarcoDeValdeorras

Nueva Ventana Xunta de Galicia
  • Rus
  • Eng