As vingadoras, comedia con aire de teleserie, este venres no TLO

17.11.09 12:28

Maquinaria Pesada, nova compañía escénica galega presenta no Barco o espectáculo As vingadoras, este venres ás 21 h. no TLO. As actrices Marián Bañobre e Isabel Risco interpretan esta comedia dirixida por John Wright e baseada na serie televisiva inglesa The avengers (Os vingadores).

Case 50 anos despois de que a televisión británica comezara a emisión desta mítica serie de axentes segredos, na que a parella formada pola sensual Emma Peel e o gentleman John Steed se enfrontaba a malfeitores e delincuentes, Maquinaria Pesada decide recuperar as súas aventuras poñendo en escena un espectáculo de clown cheo de humor e optimismo.

En "As vingadoras", Isabel Risco encarna a Emma e Marián Bañobre a Pili, en clara referencia a Emma Peel, a quen ambas as dúas queren emular. José Losada (no papel de Ti) completa o trío interpretativo ás ordes do recoñecido director de escena británico John Wright. Wright implicouse dende o principio no proxecto das súas ex alumnas (ambas as dúas participaron en senllos cursos impartidos por el en Londres e Compostela), encargándose dunha parte da preparación actoral e da produción na capital inglesa e desenvolvendo dende os últimos ensaios en Santiago cunha residencia no Salón Teatro.

SMC

OBarcoDeValdeorras

Nueva Ventana Xunta de Galicia
  • Rus
  • Eng