scatvids.club A LOT OF CRAP Concello do Barco : A Banda de Gaitas presenta "Valdeorras", o seu segundo disco

A Banda de Gaitas presenta "Valdeorras", o seu segundo disco

19.12.07 09:53

A Banda de Gaitas do Concello do Barco presenta este venres o seu segundo disco, gravado coas achegas do Orfeón Valdeorrés e da Tuna de Universitarios do Barco. Once composicións musicais para apreciar a evolución da agrupación que dirixe Manuel Prada dende a edición, en 2001, de "Sons de Calúbriga", a súa primeira gravación.

A portada do disco representa un camiño de lousa

A portada do disco representa un camiño de lousa

Xunto a un fato de temas do cancioneiro tradicional o disco recolle outros da autoría do propio Prada, como "Alalá de Valdeorras", sobre un poema de Jaime Dosouto declamado por el mesmo, "Aluveire" ou "Malecón"; pezas para introducir agrupacións vocais como a Tuna, na canción de Victor Manuel "No sé porque te quiero", ou o "Himno Galego", que canta o Orfeón Valdeorrés coincidindo co centenario da composición de Pondal e Veiga. Este traballo acode, asemade, a melodías compostas por Anxo Pintos, membro de Berrogüeto, sempre con arranxos do director da Escola de Gaitas, Manuel Prada Ramos.

Trala presentación aos medios, a Banda ofrecerá un concerto o próximo 4 de xaneiro, ás 20 h. No Teatro Lauro Olmo e con entrada libre, onde estará arroupada por cantos colaboraron na elaboración deste álbum que, ademais da música, recolle as letras das cancións, composicións gráficas inspiradas nas mesmas e fotografías da Banda e dos artistas invitados.

OBarcoDeValdeorras

Nueva Ventana Xunta de Galicia
  • Rus
  • Eng