Este sábado Alameda do Soulna, o espectáculo total

22.08.07 09:25

Alameda do Soulna en directo son dez músicos, posta en escena organizada e tola ao tempo, sketches, descarga de enerxía, coreografías, un comando coordinado para facer vibrar, saltar e corear as súas cancións. Ska, reggae e sons do Leste, con imaxinación, humor, compenetración e factor sorpresa. Este sábado ás 23:00 na praza Maior.

Cunha longa carreira enriba dos máis grandes, medianos e pequenos escenarios de España, Europa e parte do mundo enteiro, Alameda do Soulna é unha banda de músicos-comediantes que rompen a cuarta parede e converten o seu espectáculo en algo que non só se ve, senón que se sente: estás dentro, estás fundido co show.

Está no mercado o seu segundo álbum, "Finíssimo". Cunha autoproducción asombrosa, mestura ritmos e sensacións dos estilos máis bailables e elegantes; combina calidade e forza, preciosismo e soltura, diversidade musical e máximo gusto.

Acaba de comezar a súa xira de presentación e teñen tanta enerxía que
os pés érguenselles do chan. É o seu momento. E temos a sorte de telos aquí, no Barco, nun concerto con entrada libre na praza Maior, este sábado 25 de agosto a partir das 11 da noite. Para non perdelo.

OBarcoDeValdeorras

Nueva Ventana Xunta de Galicia
  • Rus
  • Eng