dd Concello do Barco : Mercedes Peón trae ao Barco os sons da terra

Mercedes Peón trae ao Barco os sons da terra

06.07.07 10:35

Innovación, orixinalidade, sentimento ou terremoto musical son algúns dos comentarios que suscita a obra de Mercedes Peón para os críticos e articulistas que analizan a actual música de raíz. A folclorista coruñesa actúa no Barco este sábado, 7 de xullo, a partir das 23:00 h.

O concerto forma parte do ciclo As nosas músicas, que patrocina a Fundación Caixa Galicia, e no que un escollido grupo de intérpretes xira por máis de corenta concellos galegos. Mercedes Peón, que é a primeira vez que actúa no Barco, ofrecerá na praza do Concello os temas de Sihá, o seu último traballo discográfico, froito de toda unha vida de investigación dos sons e costumes enraizados no pobo galego. Peón percorreu Galicia dende moi nova, gravadora en man, buscando o folclore máis auténtico. Foron anos de traballo na sombra que agora presenta, adaptado ás novas sonoridades, como un produto de rabiosa modernidade que trunfa en todo o mundo.

OBarcoDeValdeorras

Nueva Ventana Xunta de Galicia
  • Rus
  • Eng