Lauro Olmo

foto Lauro Olmo

Lauro Olmo Gallego naceu o 9 de novembro de 1921 no Barco de Valdeorras e morreu en Madrid o 19 de xuño de 1994. É o dramaturgo que mellor recolleu na súa obra os anos máis significativos da sociedade española baixo a Ditadura do xeneral Franco. O seu teatro nútrese dunha sabia experiencia reflectida nun estilo, o Realismo Social, do que é o representante máis orixinal.

Poeta, novelista e escritor de narracións breves e contos, sufriu os avatares da emigración do seu pai, viviu a II República, a Guerra Civil e os anos máis duros da férrea censura da Ditadura franquista.

En 1962 estréase unha das súas obras emblemáticas : La Camisa, peza excepcional que reflicte o drama dos condenados a emigrar a outro país para poder subsistir. Con ela obtén numerosos premios e o recoñecemento internacional.

Entre as súas obras destacan La Pechuga de la Sardina (1963), El Cuarto Poder (Italia 1969), La Condecoración (Francia 1965), English Spoken (1968), Pablo Iglesias (1984), Ayer 27 de Octubre (1957), Golfos de bien (1955), Cuno (1954), Los leones (1954), Asamblea General (1961), Luis Candelas (1987), Desde Abajo (1993) e un longo etc. Algunhas delas foron representadas por todo o mundo, outras foron prohibidas e non se chegaron a estrear. Malia todo Lauro Olmo obtivo numerosos premios: o Nacional de Teatro, o Leopoldo Alas, o Valle Inclán, o Larra, o Álvarez Quintero da Real Academia de la Lengua Española (en dúas ocasións), Premio mellor obra estranxeira de Buenos Aires, Premio Manuel Espinosa y Cortina da Real Academia, Premio do Círculo de la Crítica de Uruguay, Finalista do Premio Nadal, Premio Nacional de Teatro Infantil y Juvenil, Premio Fastenrath da Real Academia, etc.

Galego ante todo, identificouse con todas as causas progresistas e militou entre os intelectuais que nunca se dobregaron (nin á Ditadura ni aos amaños partidistas da Transición Política). O seu exemplo como home de ben corre parello coa súa calidade de dramaturgo e ao seu exemplar compromiso cívico.

OBarcoDeValdeorras

Nueva Ventana Xunta de Galicia
  • Rus
  • Eng