O Punto de Información Catastral (PIC) é un servizo que realiza o Concello do Barco, en virtude da sinatura dun convenio de colaboración coa Dirección Xeral do Catastro do Ministerio de Economía e Facenda.
Este servizo é gratuito para todos os veciños e veciñas.
A necesidade de dar resposta á crecente demanda de información catastral de quen non dispón dos medios informáticos e telemáticos apropiados, xustifica o establecemento dos Puntos de Información Catastral, que ofrecen ao cidadán tódalas vantaxes da Oficina Virtual do Catastro. Neste punto expediranse certificacións catastrais. Os servizos pódense solicitar na Casa do Concello.